مقااااااااااااااااااااااااااااااوم حبّ بالصدفة صبية .......................... قصيد باللهجة اللبناااااااااااااااااااااانية العاااااااااااااامية .

السلام عليكم ورحمة الله وبركاته
اللهم صلِّ على محمد وآل محمد وعجِّل فرجهم يا كريم

قصيد باللهجة اللبنانية العامية ..

مقاوم حبّ بالصدفة صبية
لكن ما عرف إنها ثريي
حبّوا بعضهم و الحب أكبر من قشور الحياة الدنيويي
أخذ عنوانها و الذهن دفتر و قصدها بعد مدّة من عشيي
طلع مطلع درجها رخام مرمر و كل مترين سبع و مزهريي
طرق ع بابها الباب المسكّر فتحت بنت زنجية فتيي
و طلّت لابسي فستان أخضر الصبيي اللي وعدها بصدق نيّي
و على شدّة فرحها الخدّ جمّر كإنّو طاب جوري بصحن ميي
سلام و ابتسامي و قلب صرصر ارتاح تفضّل بهمسي طريي
و عينو استنفرت عكلّ منظر بدهشي بها لبيوت المملكيّي
و منّو استأذنت و العقل قرّر تتحكي بيها بسرّ القضيي
أبوها طلّ بالشكل المجبّر السيجار بإيد و بإيد الطقيي
و كلمة مرحبا بالكاد تظهر ع هالشفّة الغليظة السلطويي
و سأل شو شغلتك يا شب أسمر قبل ما تطلب البنت العليي
انتفضّ دمّ الرجولي بشبّ مقهر و قلّوا بعزّة النفس القويي
أنا مقاوم جنوبي يا مجبّر و شرف شعبي ببوز البندقيي
قلّوا بعتذر ما عاد تحضر ما بظلم بنت عيشتها هنيي
و ما بتركها رهينة لغم دمّر و صواعق بالخزانة المخمليي
ولعب أطفالها خرطوش أصفر و رسالة زوجها دمّ و شظيي
و جفن إلفزّع الأعداء غرغر وطلع مثل اليتيمة المستحيي
و ما فهمت تمتماتو كيف هيي
و بعد أسبوع هالشبّ المحرّر إتفجّر ع طريق القعقعيي
رفع راس العروبي و هزّ خيبر
قتل عشرة و جرح بالرتل ميي
و بقي شقفي من الزند المنصّر انوجد ع طيتوا جملة أبيي
أنا بدمّي الحسن و حسين بفطر ع أرواح الغزاة الأجنبيي
و لغم ثاني انفجر بالقلب أكثر
بعد ما سمعت البنت الوفيي تركت قصرها المفروش جوهر و غارت ع الخطوط الأوليي
و صاحت يا جنوب العزّ إفخر بناتك متل أبطالك سخيّي
مبارح رحت حدّ القبر إسهر حبيبي كان أمّا اليوم خيّي
و حلفتلّوا يمين بدمّ حيدر قبل إسبوعك القادم عليّي
شهيدي بعود عالحيّ المعمّر لعلّو بيستحي من الدمّ بيّي
و صرخت يا حسن الله و أكبر شمس الله نصر و الموت فيي
و بشرّفني مثل هادي الموقّر حملنا دمّ ما حملنا خطيي

و شدّت خصرها الحلو المزمّر بزنّار الشباب الأشبهيي
و شهيدي راحت بأوّل المعبر بعد ما كتبت الورقة بيديها الشهادة تاج البنت المسلميي ..

ملاحظة:

أمانةً وحفاظاً على مجهود من كتب/كتبت تلك الأحرف الغزلية المقاومة ..




وسلامتكم ..

نسألكم الدعاء